Sorry, your browser does not support JavaScript! विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु – Merodesh.news

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका त्रीसा श्रेष्ठको मृत्यु भएको मोरङ प्रहरीका प्रवक्ता डीएसपी मानबहादुर राईले जानकारी दिए ।

बालिका विराटनगर महानगरपालिका–६ बस्ने गङ्गा श्रेष्ठकी छोरी हुन् । उनी मेरीगोल्ड स्कुलको कक्षा १ मा अध्ययनरत रहेको परिवारले जनाएको छ ।

ट्र्याक्टरले बालिका सवार साइकललाई बिहान १० बजेतिर विराटनगर–६ केसलीया नहरनजिक ठक्कर दिएको थियो । गम्भीर घाइते भएकी उनको उपचारका क्रममा न्युरो अस्पतालमा दिउँसो १ बजेतिर मृत्यु भएको डीएसपी राईले बताए ।

उनका अनुसार नातामा दिदी पर्ने १५ वर्षीया रेणुका श्रेष्ठले चलाएको साइकलको पछाडि बसेर बालिका स्कुल जाँदै थिइन् । स्कुल जानेक्रममा भएको दुर्घटनामा परेर बालिकाको मृत्यु भएको छ भने साइकल चलाएकी रेणुका सकुशल रहेको प्रहरीले जनाएको छ ।

दुर्घटनापछि ट्र्याक्टर र चालक सुनसरीको बर्जु गाउँपालिका–२ का २५ वर्षीय सञ्जय ऋषिदेवलाई प्रहरीले नियन्त्रणमा लिएर घटनाको अनुसन्धान थालेको छ ।

Advertise Expired !

सम्बन्धित समाचारहरु

क्यापिटल हिलमाथि अराजक भिड र महँगो धुन्धुकारी
क्यापिटल हिलमाथि अराजक भिड र महँगो धुन्धुकारी

हरि अधिकारी गत ६ तारिखका दिन संयुक्त राज्य अमेरिकाको राजधानी वासिङ्टन डिसीको क्यापिटल हिलस्थित सङ्घीय संसद् भवनमा जुन आयतनमा शक्ति प्रदर्शन, तोडफोड र हिंसाचार प्रदर्शन भयो, त्यो यस महान् लोकतान्त्रिक[...]

हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण
हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण

विराटनगर/हृदयघात अर्थात् हर्ट अट्याक कुनै पनि समयमा अचानक हुन सक्छ । तर, हार्ट अट्याक हुनु केही समय वा एक महिना अघिदेखि नै शरीरमा केही लक्षणहरू देखा पर्न थाल्छ । शरीरमा[...]

राष्ट्रियसभा अधिवेशन अन्त्य
राष्ट्रियसभा अधिवेशन अन्त्य

काठमाडौँ/राष्ट्रियसभाको सातौँ अधिवेशन अन्त्य भएको छ । पुस १७ गतेदेखि सुरु भएको राष्ट्रियसभाको सातौँ अधिवेशन आइतबारदेखि अन्त्य भएको हो । आइतबारको बैठकमा राष्ट्रियसभा अध्यक्ष गणेशप्रसाद तिमिल्सिनाले मन्त्रिपरिषद्को सिफारिसमा राष्ट्रपति विद्यादेवी[...]