Sorry, your browser does not support JavaScript! हात्तीको बाटोमा विद्युतीय धराप, डेढ महिनामा दुई हात्ती मरे – Merodesh.news

हात्तीको बाटोमा विद्युतीय धराप, डेढ महिनामा दुई हात्ती मरे

विराटनगर/डेढ महिनाको अवधिमा कोसीटप्पु वन्यजन्तु आरक्ष क्षेत्रमा दुईवटा जङ्गली हात्ती मरेका छन् । विद्युतीय धरापमा परी सप्तरीमा दुईवटा हात्ती मरेका हुन् ।

शनिबार बिहान खडक नगरपालिका–४ मा विद्युतीय धरापमा अन्दाजी ३५ वर्षको दारासहितको भाले हात्ती मरेको हो । कोसीटप्पु वन्यजन्तु आरक्षबाट आहाराको खोजीमा गएको हात्ती विद्युतीय धरापमा परेको थियो ।

सप्तरीकै कञ्चनरुप नगरपालिका–५ मा ७ मङ्सिरमा एउटा हात्ती मरेको थियो । आहाराको खोजीमा पुगेको हात्तीले विद्युत पोलमा शरीर धसारेपछि चुडिएको तार लाग्दा हात्ती मरेको थियो ।

वर्षाैँ पुरानो बाटोमा लगाइएको विद्युतीय धरापमा परेर हात्ती मरेको कोसीटप्पु वन्यजन्तु आरक्षका संरक्षण अधिकृत अशोक रामले बताए । उनका अनुसार आरक्षणमा आएका जङ्गली हात्ती पश्चिमतर्फ जाँदैछन् । बाटोमा विद्युतीय धरापमा परी दुई हात्ती मरेको उनले बताए ।

मकुना जोगाउन गृहकार्य

आरक्षका संरक्षण अधिकृत रामका अनुसार कोसीटप्पुको रैथाने हात्ती मकुनाको बाटोमा पनि पछिल्लो समय विद्युतीय धराप थापिएको छ । दक्षिणतर्फ व्यक्तिले आफूखुसी धराप थापेका कारण मकुना जोखिममा परेको उनले बताए ।

‘मकुनालाई जोगाउन हामीले सक्दो प्रयास गरिरहेका छौँ,’ उनले भने, ‘संरक्षणमा सबैको सहयोग आवश्यक छ ।’ आहाराको खोजीमा गाउँ पस्ने मकुनालाई आरक्षभित्रै राख्ने प्रयास भइरहेको उनले बताए ।

Advertise Expired !

सम्बन्धित समाचारहरु

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु
विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका[...]

क्यापिटल हिलमाथि अराजक भिड र महँगो धुन्धुकारी
क्यापिटल हिलमाथि अराजक भिड र महँगो धुन्धुकारी

हरि अधिकारी गत ६ तारिखका दिन संयुक्त राज्य अमेरिकाको राजधानी वासिङ्टन डिसीको क्यापिटल हिलस्थित सङ्घीय संसद् भवनमा जुन आयतनमा शक्ति प्रदर्शन, तोडफोड र हिंसाचार प्रदर्शन भयो, त्यो यस महान् लोकतान्त्रिक[...]

हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण
हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण

विराटनगर/हृदयघात अर्थात् हर्ट अट्याक कुनै पनि समयमा अचानक हुन सक्छ । तर, हार्ट अट्याक हुनु केही समय वा एक महिना अघिदेखि नै शरीरमा केही लक्षणहरू देखा पर्न थाल्छ । शरीरमा[...]