Sorry, your browser does not support JavaScript! शनिबारदेखि भारतमा कोरोना भाइरसविरुद्ध खोप अभियान सुरु हुँदै – Merodesh.news

शनिबारदेखि भारतमा कोरोना भाइरसविरुद्ध खोप अभियान सुरु हुँदै

विराटनगर । भारतमा १६ जनवरी अर्थात् ३ माघदेखि कोरोना भाइरसविरुद्ध खोप अभियान सुरु हुने घोषणा गरिएको छ । प्रधानमन्त्री नरेन्द्र मोदीले आगामी जुलाई महिनाभित्र ३० करोड भारतीयलाई कोरोना भाइरसविरुद्धको खोप दिइने बताएका हुन् ।

आगामी शनिबारदेखि भारतमा राष्ट्रव्यापी खोप अभियान सुरु लागेको उनले ट्विटमार्फत् जानकारी दिएका हुन् । उनका अनुसार स्वास्थ्यकर्मी तथा अग्रपङ्क्तिमा खटिएका अन्य व्यक्तिले पहिला खोप पाउनेछन् ।

सरकारले सार्वजनिक गरेको विज्ञप्तिमा जनाएअनुसार त्यसपछि ५० वर्षमाथिका मानिस तथा स्वास्थ्यसम्बन्धी समस्या भएका ५० वर्षमुनिका जोसुकैले पनि खोप लगाउने पाउनेछन् ।

भारतको औषधि नियामक निकायले हालसम्म कोभिशील्ड र कोभ्याक्सीन गरी दुईवटा खोपलाई प्रयोगको अनुमति दिएको छ । कोभिशील्ड एस्ट्राजेनेकाले अक्सफर्ड यूनिभर्सिटीसँग मिलेर बनाएको हो भने कोभ्याक्सीन भारतीय कम्पनी भारत बायोटेक आफैँले निर्माण गरेको हो ।

भारतमा खोप अभियानका लागि अभ्यास गराउँदै सरकारले सात सय जिल्लामा डेढ लाख कर्मचारीलाई तालिम दिइसकेको छ । तर, परीक्षण सम्पन्न नभई सरकारले कोभ्याक्सीनलाई आपत्कालीन अनुमति दिएकोमा विज्ञहरूले चिन्ता व्यक्त गरेका छन् ।

Advertise Expired !

सम्बन्धित समाचारहरु

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु
विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका[...]

क्यापिटल हिलमाथि अराजक भिड र महँगो धुन्धुकारी
क्यापिटल हिलमाथि अराजक भिड र महँगो धुन्धुकारी

हरि अधिकारी गत ६ तारिखका दिन संयुक्त राज्य अमेरिकाको राजधानी वासिङ्टन डिसीको क्यापिटल हिलस्थित सङ्घीय संसद् भवनमा जुन आयतनमा शक्ति प्रदर्शन, तोडफोड र हिंसाचार प्रदर्शन भयो, त्यो यस महान् लोकतान्त्रिक[...]

हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण
हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण

विराटनगर/हृदयघात अर्थात् हर्ट अट्याक कुनै पनि समयमा अचानक हुन सक्छ । तर, हार्ट अट्याक हुनु केही समय वा एक महिना अघिदेखि नै शरीरमा केही लक्षणहरू देखा पर्न थाल्छ । शरीरमा[...]