Sorry, your browser does not support JavaScript! सिरहामा भएको प्रदर्शनकोे क्रममा झडप : वडाध्यक्षसहित ६ जना घाइते – Merodesh.news

सिरहामा भएको प्रदर्शनकोे क्रममा झडप : वडाध्यक्षसहित ६ जना घाइते

सिरहा २२ मंसिर । गाउँपालिकाको हरहिसाब पारदर्शी गर्न माग गर्दै प्रदर्शन गर्ने क्रममा सिराहाको लक्ष्मीपुर पतारी गाउँपालिका अगाडि आन्दोलनकारी र प्रहरीबीच आइतबार झडप भएको छ ।

झडपका क्रममा लक्ष्मीपुर पतारी गाउँपालिका वडा नं ३ का अध्यक्ष राजेश्वर साह सुडीसहित आधा दर्जन घाइते भए । आन्दोलनमा उत्रेका आन्दोलनकारीले गाउँपालिकाको भवन अगाडि प्रदर्शन गर्दै कार्यालयमा तोडफोड गरेपछि भिडलाई नियन्त्रणमा लिन हस्तक्षेप गरेको प्रहरीले जनाएको छ । झडपका क्रममा प्रहरीले पाँच सेल अश्रुग्याससमेत प्रहार गरेको थियो ।

गाउँपालिकाको बजेट गाउँपालिकाका अध्यक्ष र प्रमुख प्रशासकीय अधिकृत मिलेर अनियमितता गरेको भन्दै हिसाब पारदर्शी गर्नुपर्ने माग राख्दै स्थानीय आन्दोलनमा उत्रिएका छन् । जुलुससहित गाउँपालिका भवन घेराउ गर्ने क्रममा समाजवादीका कार्यकर्ताले आफ्ना कार्यकर्ताको टाउको फुटाएपछि तोडफोडमा उत्रिएको आन्दोलनकारीले बताए ।

इलाका प्रहरी कार्यालय लक्ष्मीपुर पतारीले आन्दोलनकारीले गाउँपालिकाको भवनको झ्याल, ढोका फुटाउँदै कार्यालयमा रहेका पदाधिकारीमाथि आक्रमण गर्न खोज्दा स्थितिलाई नियन्त्रणमा लिन पाँच सेल अश्रुग्यास प्रहार गर्नुपरेको जनाएको छ ।

६ वटा वडा रहेको लक्ष्मीपुर पतारी गाउँपालिकाकामा तीन वटा वडामा सङ्घीय समाजवादी फोरम, दुई वटा वडामा नेपाली कांग्रेस र एक वटा वडामा नेकपाले जितेको छ । अनियमितता भएको भन्दै नेपाली कांग्रेस र नेकपाले आन्दोलन गरिरहेका छन् ।

Advertise Expired !

सम्बन्धित समाचारहरु

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु
विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका[...]

राष्ट्रियसभा अधिवेशन अन्त्य
राष्ट्रियसभा अधिवेशन अन्त्य

काठमाडौँ/राष्ट्रियसभाको सातौँ अधिवेशन अन्त्य भएको छ । पुस १७ गतेदेखि सुरु भएको राष्ट्रियसभाको सातौँ अधिवेशन आइतबारदेखि अन्त्य भएको हो । आइतबारको बैठकमा राष्ट्रियसभा अध्यक्ष गणेशप्रसाद तिमिल्सिनाले मन्त्रिपरिषद्को सिफारिसमा राष्ट्रपति विद्यादेवी[...]

हात्तीको बाटोमा विद्युतीय धराप, डेढ महिनामा दुई हात्ती मरे
हात्तीको बाटोमा विद्युतीय धराप, डेढ महिनामा दुई हात्ती मरे

विराटनगर/डेढ महिनाको अवधिमा कोसीटप्पु वन्यजन्तु आरक्ष क्षेत्रमा दुईवटा जङ्गली हात्ती मरेका छन् । विद्युतीय धरापमा परी सप्तरीमा दुईवटा हात्ती मरेका हुन् । शनिबार बिहान खडक नगरपालिका–४ मा विद्युतीय धरापमा अन्दाजी[...]