Sorry, your browser does not support JavaScript! युभेन्टसको अपराजित यात्रामा पूर्ण विराम - Merodesh.news

युभेन्टसको अपराजित यात्रामा पूर्ण विराम

विराटनगर, २२ मंसिर । इटालियन क्लब युभेन्टसको अपराजित यात्रामा पूर्ण विराम लागेको छ । शनिबार राति भएको सिरी ‘ए’ अन्तर्गतको खेलमा लाजियोसँग पराजित भएपछि युभेन्टसको अपराजित यात्रामा पूर्ण विराम लागेको हो ।

यसअघि युरोपका शीर्ष पाँच लिगमा एक मात्र अपराजित टोलीको रूपमा युभेन्टस थियो । सिजनको लगभग बीचसम्म आइपुग्दासम्म उसले हार ब्यहोरेको थिएन । तर, शनिबार उसले लाजियोसँग ३–१ गोलको हार ब्यहोरेको हो ।

लाजियोकै घरेलु मैदानमा भएको उक्त खेलमा युभेन्टसले स्टार खेलाडी क्रिस्टियानो रोनाल्डोको गोलमा सुरुआती अग्रता बनाएको थियो । रोनाल्डोले खेलको २५औं मिनेटमा गोल गर्दै पाहुना टोलीलाई अग्रता दिलाए । तर, पहिलो हाफको इन्जुरी समयमा लाजियोका लुइज फेलिपे रामोस मार्चिले गोल गदै खेल बराबरीमा ल्याए ।

खेलको ६९औं मिनेटबाट युभेन्टस १० खेलाडीमा सीमित बन्यो । उसका जुआन क्वाड्राडोले रातो कार्ड खाँदै मैदानबाट बिदा लिएपछि यसको प्रत्यक्ष फाइदा लाजियोले लियो । उसले खेलको ७४औं मिनेटमा गोल गर्दै २–१ गोलको अग्रता बनायो । सर्गेज मिलिन्कोभिक–सेभिकले गोल गर्दै उसलाई अग्रता दिलाएका थिए । फेरि खेलको इन्जुरी समयमा फेलिपे काइसेडोले गोल गर्दै लाजियोलाई ३–१ गोलान्तरले जिताए ।

यससँगै लाजियो तेस्रो स्थानमा चढेको छ भने युभेन्टस दोस्रो स्थानमा छ । युभेन्टससँग ३६ अंक हुँदा लाजियोसँग ३३ अंक छ । शीर्ष स्थानमा रहेको इन्टर मिलानसँग भने ३८ अंक छ ।

Advertise Expired !

सम्बन्धित समाचारहरु

साग सफल र ऐतिहासिक : प्रधानमन्त्री ओली
साग सफल र ऐतिहासिक : प्रधानमन्त्री ओली

काठमाडौं २४ मंसिर । प्रधानमन्त्री केपी शर्मा ओलीले १३औँ दक्षिण एशियाली खेलकूद (साग) प्रतियोगिता सफलतापूर्वक सम्पन्न भएको बताएका छन् । उनले साग सफल भएकोमा खेलाडी, खेलप्रेमीलगायत सबैलाई शुभकामना समेत दिए[...]

भुटानलाई हराउँदै नेपालले जित्यो स्वर्ण
भुटानलाई हराउँदै नेपालले जित्यो स्वर्ण

काठमाडौं, २४ मंसिर । नेपालमा तेस्रो पटक आयोजना भएको दक्षिण एसियाली खेलकुद (साग) अन्तर्गत पुरुष फुटबलमा नेपालले स्वर्ण पदक जितेको छ । १३औं सागअन्तर्गत मंगलबार भएको फाइनल खेलमा भुटानलाई २-१[...]

भुटानविरुद्ध नेपालले फेरि बनायो अग्रता
भुटानविरुद्ध नेपालले फेरि बनायो अग्रता

काठमाडौं, २४ मंसिर । नेपालमा जारी १३औं दक्षिण एसियाली खेलकुद (साग)अन्तर्गत पुरुष फुटबलको स्वर्णका लागि नेपाल र भुटानले खेलिरहेका छन् । स्वर्णका लागि भएको भिडन्तमा नेपालले अन्डरडग भुटानविरुद्ध अग्रता बनाएको[...]