Sorry, your browser does not support JavaScript! जाडोमा ८० प्रतिशत मानिसमा देखिन्छ छाला सुख्खा हुने समस्या - Merodesh.news

जाडोमा ८० प्रतिशत मानिसमा देखिन्छ छाला सुख्खा हुने समस्या

विराटनगर, २० मंसिर । जाडोको समयमा अधिकांश मानिसहरूलाई छाला खस्रो हुने, छाला सुख्खा हुने कपाल सुक्खा भएर फुरुङ्ग देखिने हातखुट्टा फुट्ने, ओठ फुट्ने हुन्छ । शरीरको तुलनामा बाहिरी वातावरणको तापक्रम कम हुन थालेपछि शरीरबाट तापसँगै आँखाले नदेख्ने तरिकाले पानीको कण पनि बाहिर निस्किरहेको हुन्छ ।

शरीरमा पानीको कमी भएपछि छाला सुख्खा हुने, फुट्ने, ओठ तथा कुर्कुच्चा फुट्ने जस्ता समस्या देखा पर्छ । जाडोको मौसममा करिब ७० देखि ८० प्रतिशत मानिसहरूलाई छाला सुख्खा हुने समस्याले सताउने गरेको छाला रोग विशेषज्ञ डा. धवेन्द्र कर्णले बताएका छन् । जाडोको एलर्जी हुने व्यक्तिको, दमको समस्या हुनेहरूको शरीरको सम्पूर्ण छाला सुख्खा हुन्छ । साथै, मधुमेह, उच्च रक्तचाप, थाइरोइड भएमा र शरीरमा विभिन्न किसिमका भिटामिनको कमी भएकाहरूको छाला सुख्खा हुने गर्छ ।

त्यस्तै, छाला रोग विशेषज्ञ डा. सविना भट्टराईका अनुसार जाडो महिनामा धेरै पटक ननुहाउने हुँदा शरीरमा विभिन्न किसिमका एलर्जीहरू पनि देखा पर्नेगर्छ । जाडोमा चिसो भगाउनका लागि घाममा बस्ने आगो ताप्ने हिटर ताप्ने गर्छौ । यसरी तातोमा बस्दा छालामा भएको चिल्लोलाई सोसेर छालालाई सुख्खा बनाउँने गर्छ । त्यसैले हिटर ताप्ने, घाममा बस्ने गर्दा शरीरमा पानीको मात्रा पनि कम हुने हुँदा प्रशस्त मात्रामा मनतातो पानी पिउनु पर्दछ ।

साथै, उलनको कपडाले एलर्जी भएर शरीर चिलाउने र पोल्ने हुदा पनि छाला फुट्ने गर्छ । छाला सुख्खा हुनबाट जोगाउनका लागि प्रसस्त मात्रामा पानी पिएर, घाममा बस्दा वा घरबाहिर निस्कँदा बढी एसपीएफ भएको ‘सन्सक्रिम’ र मोइस्चुराइजरको प्रयोग गर्नु पर्छ । छाला सुन्दर राख्न र विभिन्न रोगबाट बच्न पोषणयुक्त खानपान, ओलिभको तेल, ओखर, एभोकाडोको नियमित प्रयोग गर्नु पनि सकिन्छ ।

Advertise Expired !

सम्बन्धित समाचारहरु

सुत्नुअघि पैतालामा तेल लगाउनु स्वास्थ्यका लागि फाइदाजनक
सुत्नुअघि पैतालामा तेल लगाउनु स्वास्थ्यका लागि फाइदाजनक

विराटनगर, २४ मंसिर । शरीरमा दुखाइ हुँदा तेल लगाउने वा तेलले मालिस गर्ने प्रचलन पहिलेदेखि नै चलिआएको छ । टाउको, पेट, गोडा दुखे तेल, मांशपेशी दुखे, पैतालामा तथा शरीरको हरेक[...]

जाडो मौसममा मुटुरोग लाग्नबाट बच्नका लागि यसो गर्न सकिन्छ
जाडो मौसममा मुटुरोग लाग्नबाट बच्नका लागि यसो गर्न सकिन्छ

विराटनगर, २३ मंसिर । जाडोको मौसम सुरु भएसँगै स्वास्थ्यमा विभिन्न शारीरिक समस्याहरू देखापर्न थाल्छ । जाडो मौसममा मानिसहरू अत्यधिक खाने, कम शारीरिक परिश्रम गर्ने तथा धेरै सुत्ने गर्छन् । जाडो[...]

जिब्रोबाट थाहा हुन्छ मान्छेको स्वभाव
जिब्रोबाट थाहा हुन्छ मान्छेको स्वभाव

विराटनगर, ८ कात्तिक । शरीरको सानो अंग भएतापनि जिब्रोलाई वशमा राख्न नसकेमा यसले धेरै नोक्सानी गर्न सक्ने कुरामा हामी अनभिज्ञ छैनाैं नै । जिब्रोको आकार र मोटाइबाट पनि मानिसको व्यक्तित्व[...]