Sorry, your browser does not support JavaScript! मेस्सीले खुलाए मानेलाई भोट दिनुको कारण - Merodesh.news

मेस्सीले खुलाए मानेलाई भोट दिनुको कारण

एजेन्सी, १९ मंसिर । बार्सिलोनाका कप्तान लियोनल मेस्सीले इंग्लिस क्लब लिभरपुलका स्टार साडियो मानेलाई विश्व फुटबल महासंघ (फिफा)को ‘द बेस्ट फिफा मेन्स प्लेयर’को अवार्डका लागि भोट दिनुको कारण खुलाएका छन् । यसै साता भएको बालोन डी‘ओरको समारोहमा पत्रकारसँग बोल्दै अर्जेन्टिनी स्टार मेस्सीले मानेलाई भोट दिनुको कारण खुलाएका हुन् ।

३२ वर्षीय मेस्सीले फिफाको ‘द बेस्ट फिफा मेन्स प्लेयर’को अवार्डको लागि मानेलाई भोट दिएका थिए । मेस्सी आफैँले उक्त अवार्ड जिते । मेस्सीले यस अवार्डका लागि ५ अंकको पहिलो मत मानेलाई दिएका थिए । यसैगरी दोस्रो स्थानको ३ अंकको भोट प्रतिद्वन्द्वी खेलाडी क्रिस्टियानो रोनाल्डोलाई दिँदा १ अंकको तेस्रो भोट आफ्ना सहकर्मी फ्रेन्की डी योङलाई दिएका थिए ।

df

छैटौं पटक बालोन डी‘ओर जित्दै विश्व कीर्तिमान बनाएका मेस्सीले ‘क्यानल प्लस पर द मेट्रो’ नामक मिडियासँग भने, ‘फिफा बेस्ट प्लेयरमा माने चौथो हुनु लज्जास्पद हो । तर, मेरो विचारमा लिभरपुलमा यो वर्ष महान् खेलाडीहरू मात्र छन् । यसैले त्यहाँ एक खेलाडीलाई छान्न गाह्रो थियो ।’

मेस्सीले माने उत्कृष्ट खेलाडी भएका कारण आफूले फिफा द बेस्टका लागि भोट दिएको बताए । उनले भने, ‘त्यहाँ (लिभरपुलमा) सबै उत्कृष्ट खेलाडी छन् । तर, मैले मानेलाई छानेँ किनकी उनी मलाई मन पर्ने खेलाडी हुन् । यो वर्ष मानेको उपलब्धी महान् थियो । त्यो उपलब्धी पूरै टिमका लागि थियो । र, मैले उनलाई छानेको हुँ ।’

यसैगरी उनले लिभरपुलका खेलाडीमध्ये उत्कृष्ट छान्न गाह्रो हुने सुनाए । उनले भने, ‘म फेरि पनि यो दोहो¥याउन चाहन्छु कि, लिभरपुलबाट एक उत्कृष्ट खेलाडी छान्न असहज हुन्छ किनकी यो वर्ष त्यहाँ धेरै महान् खेलाडीहरू छन् ।’

Advertise Expired !

सम्बन्धित समाचारहरु

साग सफल र ऐतिहासिक : प्रधानमन्त्री ओली
साग सफल र ऐतिहासिक : प्रधानमन्त्री ओली

काठमाडौं २४ मंसिर । प्रधानमन्त्री केपी शर्मा ओलीले १३औँ दक्षिण एशियाली खेलकूद (साग) प्रतियोगिता सफलतापूर्वक सम्पन्न भएको बताएका छन् । उनले साग सफल भएकोमा खेलाडी, खेलप्रेमीलगायत सबैलाई शुभकामना समेत दिए[...]

भुटानलाई हराउँदै नेपालले जित्यो स्वर्ण
भुटानलाई हराउँदै नेपालले जित्यो स्वर्ण

काठमाडौं, २४ मंसिर । नेपालमा तेस्रो पटक आयोजना भएको दक्षिण एसियाली खेलकुद (साग) अन्तर्गत पुरुष फुटबलमा नेपालले स्वर्ण पदक जितेको छ । १३औं सागअन्तर्गत मंगलबार भएको फाइनल खेलमा भुटानलाई २-१[...]

भुटानविरुद्ध नेपालले फेरि बनायो अग्रता
भुटानविरुद्ध नेपालले फेरि बनायो अग्रता

काठमाडौं, २४ मंसिर । नेपालमा जारी १३औं दक्षिण एसियाली खेलकुद (साग)अन्तर्गत पुरुष फुटबलको स्वर्णका लागि नेपाल र भुटानले खेलिरहेका छन् । स्वर्णका लागि भएको भिडन्तमा नेपालले अन्डरडग भुटानविरुद्ध अग्रता बनाएको[...]