Sorry, your browser does not support JavaScript! साहसिक खेल पर्यटनको प्रवद्र्धन गर्न नेटवर्क गठन - Merodesh.news

साहसिक खेल पर्यटनको प्रवद्र्धन गर्न नेटवर्क गठन

धरान। साहसिक खेल पर्यटनको प्रवद्र्धन र विकासका लागि पहल गर्न धरानकै पर्यटनकर्मी तथा साहसिक खेलसम्बद्ध एक्स्ट्रीम धरानका अध्यक्ष लेखमणि जिमीको संयोजकत्वमा ११ सदस्यीय नेटवर्क बनाइएको छ ।

सहसंयोजकमा इन्द्र राई र प्रकाश ठकुरी छानिएका छन्। ११ सदस्यीय नेटवर्कमा पछि चार सदस्य थप हुने बताइएको छ । यो नेटवर्कले प्रदेश १ मा साहसिक तथा पर्यटकीय खेलकूदको विकास, विस्तार र व्यवस्थापन कसरी गर्न सकिन्छ भनेर समन्वयकारी काम गर्ने माउन्टेन्ट स्पोटस् फेडरेशनका अध्यक्ष गोविन्द भट्टराईले जानकारी दिए । पर्यटन वर्ष २०२० लाई लक्ष्य गरेर काम गर्न नेटवर्क बनाइएको हो ।

धरान उपमहानगरपालिकाले उपमहानगरभित्र के कस्ता साहसिक पर्यटकीय खेलका सम्भावना छन् भन्ने विषयमा छलफल पछि उक्त नेटवर्क बनाइएको हो । धरानमा १६ वटा साहिसिक खेलमध्ये पाँच-छ वटा हाल पनि खेल भइरहेकाले अझ यसको विस्तार र खेलको माध्यमबाट कसरी पर्यटक भित्र्याउन सकिन्छ भन्ने उद्देश्यले माउन्टेन स्पोर्ट फेडेरेशनसँगको सहकार्यमा धरानमा साहसिक तथा पर्यटकीय खेलसम्बन्धी अन्तरक्रिया गरेको हो ।

धरानमा हाल साइकिलिङ, पाराग्लाइडिङ, क्यानोनिङ, फ्लाइङ जीप, बोटिङ, रेस, बाइक रेसलगायत खेलको सम्भावना रहेको छ । केही खेल निजीस्तरबाट भइरहेका छन् । यी खेललाई व्यापक बनाएर प्रदेश नं १ मा वार्षिक एक लाख पर्यटक भित्र्याउन सकिने धरान उपमहानगरपालिकाका कार्यवाहक प्रमुख मञ्जु भण्डारीले बताईंन् ।

छलफलमा प्रदेशसभा सदस्य कुसुम श्रेष्ठ, सावित्री श्रेष्ठ, सामाजिक विकास मन्त्रालयका सचिव हरि दाहाललगायत सहभागी थिए । रासस

Advertise Expired !

सम्बन्धित समाचारहरु

दुई मानवअधिकारकर्मी सम्मानीत
दुई मानवअधिकारकर्मी सम्मानीत

विराटनगर २४ मंसिर । मानव अधिकार दिवसको अवसरमा एक नम्बर प्रदेशका दुई जना मानव अधिकार रक्षक सम्मानित भए । मानव अधिकार सञ्जाल एक नम्बर प्रदेशले मंगलबार विराटनगरमा ७१औ विश्व मानव[...]

प्रदेश लोकसेवा आयोगको कार्यालय विराटनगरमा
प्रदेश लोकसेवा आयोगको कार्यालय विराटनगरमा

विराटनगर २४ मंसिर । एक नम्बर प्रदेश  सरकारले प्रदेश लोक सेवा आयोगको कार्यालय विराटनगरमा स्थापना गर्ने निर्णय गरेको छ । मंगलबार बसेको मन्त्रिपरिषदको बैठकले प्रदेश लोक सेवा आयोगको कार्यालय विराटनगरमा राख्ने[...]

११ बुँदे घोषणापत्र जारी गर्दै इटहरीमा लैङ्गिक हिंसाबिरुद्धको सम्मेलन सम्पन्न
११ बुँदे घोषणापत्र जारी गर्दै इटहरीमा लैङ्गिक हिंसाबिरुद्धको सम्मेलन सम्पन्न

इटहरी २४ मंसिर । ११ बुँदे इटहरी घोषणा पत्र जारी गर्दै लैङ्गिक हिंसा विरुद्धको इटहरी सम्मेलन सम्पन्न भएको छ । इटहरी उपमहानगरपालिकाले आयोजना गरेको सम्मेलनमा एक वर्षका लागि लैङ्गिक हिंसा[...]