Sorry, your browser does not support JavaScript! नेवारी समुदायमा बेलविवाह, विराटनगरका २८ कन्याहरुको सामूहिक बेलविवाह सम्पन्न - Merodesh.news

नेवारी समुदायमा बेलविवाह, विराटनगरका २८ कन्याहरुको सामूहिक बेलविवाह सम्पन्न

विराटनगर।  नेवारी समुदायमा बालिकाहरुको बेलविवाह गरिदिने प्रचलन छ । परम्परा धान्नका लागि मात्र नभएर यसको आफ्नै विशेष महत्व पनि छ ।

नेवारी समुदायमा बेलविवाह

तिन बर्षदेखि माथि एघार बर्षसम्मका बालिकाहरुको बेल विवाह गरिदिने प्रचलन छ । नेवार कन्याहरूको महिनावारी हुनु अघिनै बेलसंग विवाह भइसक्नु पर्ने धार्मिक परम्परा छ । यही मान्यताअनुसार विराटनगर –१० स्थित झिपुच मन्दीर परिसरमा सोमबार एकैसाथ २८ जना कन्याहरुको सामूहिक बेलविवाह सम्पन्न भएको छ । छोरीको बेलविवाह र छोराको व्रतबन्ध अनिवार्य गर्नैपर्ने उक्त समुदायको मान्यता छ ।

नेवारी समुदायमा बेलविवाह

बेल जडीबुटीमध्ये श्रेष्ठ प्रजाति हो । बेलविवाहमा बेललाई स्वर्णकुमार मानेर बालिकाको विवाह गराई दिनुलाई अगाध प्रकृतिप्रेमको रूपमा लिन सकिन्छ । नेवार समुदाय भित्रकै पंडित पुरोहितहरुले विधिवत बेल विवाह सम्पन्न गराउने गर्छन । विवाह सकिएपछि भने बालिकाहरुलाई ८४ व्यन्जन सहितको नेवारी परिकार थ्याबु ख्वाउने प्रचलन छ ।

नेवारी समुदायमा बेलविवाह

बेलविवाह, इहीपछि कन्याहरूले अन्य विवाहित महिला सरह पहिरन तथा शृङगार गर्न सक्छन् । स्वर्णकुमार बेलसग विवाह गराएर भगवानको मन्दिरमा प्रवेश गराउने प्रचलन छ । इही गरेका चेलीहरू कहिल्यै पनि विधवा हुदैनन् भन्ने विश्वास र मान्यता उक्त समुदायमा पाइन्छ । संसारिक जीवन जिउनका लागि महिला–पुरुषबीच हुने विवाहलाई उनीहरू जीवन जिउने सम्झौता अर्थात् जीवन साथीको रूपमा मात्र ठान्छन् ।

नेवारी समुदायमा बेलविवाह

यसर्थ इही गरेका युवतीहरूको कुनै कारणवश पुरुषसंग विवाह हुन नसके पनि उनीहरूमा हीनताबोध नहुने मनोविश्लेषकहरू बताउछन् । उपरोक्त तथ्य नारी अधिकारका पक्षमा सकारात्मक देखिएका छन् । व्यक्तिगतरुपमा बेलविवाह सम्पन्न गर्दा धेरै फजुल खर्च हुने भएपछि न्यूनिकरण गर्ने उद्धेश्यले पछिल्लो केही दसक यता सामूहिक वेलविवाहको प्रचलन बढदो रहेको छ ।

नेवारी समुदायमा बेलविवाह

सामूहिक बेलविवाहको चलनले फजुल खर्च नियन्त्रण भएको छ भने नेवार समुदायभित्रका धेरै थरीका उपजातिहरूबीच जातपात, उचनीच र छोइछिटोको समेत विभेद न्युनिकरण गर्न सहयोग पुगेको छ ।

Advertise Expired !

सम्बन्धित समाचारहरु

प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री
प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री

लकडाउनका कारण बन्द भएको रेलसेवा भारतले मंगलबारदेखि सुचारु गर्‍यो । भारतले रेलसेवा सुरु गरेपछि विभिन्न स्थानमा रोकिएका नेपालीहरू फर्कनेछन् । पहिलो चरणमा दिल्लीबाट प्रदेशका सदरमुकामसम्म रेलसेवा सुरु गरेको भारतमा अनलाइन[...]

लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे
लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे

यज्ञ अधिकारी/मोहन ढकाल विराटनगर, ८ जेठ । लकडाउनको एक महिनामा प्रदेश एकमा १५ करोडको तरकारी नष्ट भइरहँदा भारतबाट चाहिँ सोही समयमा १५ करोडकै हाराहारीमा तरकारी आयात भएको छ । विराटनगर[...]

१ सय २० नेपाली एक महिनादेखि जोगबनी नाकाको क्वारेन्टाइनमा
१ सय २० नेपाली एक महिनादेखि जोगबनी नाकाको क्वारेन्टाइनमा

विराटनगर, ८ जेठ । जोगबनी नाकामा भारततर्फ एक सय २० जना नेपालीहरू क्वारेन्टाइनमा बसिरहेका छन् । भारतको पञ्जाब, दिल्ली, कलकत्ता, पूर्णीयालगायत विभिन्न शहरबाट पैदल हिँडदै र यात्रामा अनेक सास्ती झेल्दै[...]