Sorry, your browser does not support JavaScript! उपचार खर्च तिर्न नसक्दा अस्पतलले दिएन शव – Merodesh.news

उपचार खर्च तिर्न नसक्दा अस्पतलले दिएन शव

विराटनगर । नोबेल मेडिकल कलेजले उपचार खर्च नबुझाएकै भन्दै दुई दिन देखि एक व्यक्तीको शव रोकेर राखेको छ । मोरङको कटहरी गाउपालिका ३ निवासी ३२ वर्षीय दिपक मिश्रको शव विराटनगर स्थित नोवेल मेडिकल कलेजले आफन्तलाई नदिई रोकेर राखेको हो ।

गत साउन २ गते विराटनगर महानगरनगरपालिका ४ स्थित कञ्चनवारीमा मोटर साइकलको ठक्करबाट घाइते भएका मिश्रको नोबेल अस्पतालमा उपचारको क्रममा मङलवार मृत्यु भएको थियो । पाच महिना अस्पतालमा राखेर उपचार गर्दा उनको १४ लाख भन्दाबढी रुपैया खर्च भएको छ । मंगलबार उपचारकै क्रममा मिश्रको मृत्यु भएपछि अस्पतालले साढे तीन लाख रुपैया बाकी रहेको भन्दै शव रोकेर राखेको हो ।

श्रीमानको उपचारमा आफ्नो सम्पती सकिएपछि थप तीनलाख रुपैया दिन सक्ने अवस्थामा छैनन् अनिता । खर्च जुटाउन नसकेपछि अन्तिम संस्कारकालागि श्रीमानको लास झिकाइदिन हारगुहार गरिरहेकी छिन् । दुर्घटनामा टाउकोमा चोट लागेपछि पाच महिना यता उनीहरु नोबेल थिए । दुर्घटनामा लागेको चोटले टाउकोको तीन वटा नसामा असर गरेको थियो । उपचार गरे बापत अब नोबेललाई ३ लाख ५० हजार रुपैयाँ तिर्न बाँकी रहेको अनिताले बताइन् ।

यस अघि औषधि र उपचार खर्च बापत १४ लाख भन्दाबढी रुपैया बुझाएकी छन् । विराटनगर–१० तीन टोलीयामा डेरा गरेर बस्दै आएकी अनिता सानो व्यूटी पार्लर सञ्चालन गर्थिन् । उनका श्रीमान सिटी रिक्सा कुदाउथे । दिपक घाइते भएपछि दुई सन्तानलाई बोडिङ स्कुल पढाउदै आएकी अनिताको पार्लर बन्द भयो । भएका सबै सम्पती उपचारमै सक्किएपछि कक्षा २ र एलकेजीमा पढदै आएका प्रिन्स र प्रियान्सुको पडाइपनि रोकिएको छ ।

पाच महिनादेखि कोठा भाडा तिर्न नसकेकी अनितालाई घरबेटीले पनि कोठा छाड्न बारम्परा दबाव दिइरहेका छिमेकी शुभम पण्डिलले बताए । ‘मसंग पैसा नै छैन, ऋण गरेर उपचार गरिरहेको थिए,’ अनीताले भने, ‘ गर्दै आएको व्यपारपनि बन्द भयो ।’

यता नोबेल मेडिकल कलेजका व्यवस्थापक नारायण दाहाल दुर्घटनाको केस भएको सबै छुट दिन सक्ने अवस्था नरहेको बताए । अस्पतालमा तीन लाख ५० हजार तिर्न बाकी रहेको बताउदै उनले १ लाख रुपैया सम्म छुट गर्न सकिने जानकारी दिए ।

Advertise Expired !

सम्बन्धित समाचारहरु

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु
विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका[...]

राष्ट्रियसभा अधिवेशन अन्त्य
राष्ट्रियसभा अधिवेशन अन्त्य

काठमाडौँ/राष्ट्रियसभाको सातौँ अधिवेशन अन्त्य भएको छ । पुस १७ गतेदेखि सुरु भएको राष्ट्रियसभाको सातौँ अधिवेशन आइतबारदेखि अन्त्य भएको हो । आइतबारको बैठकमा राष्ट्रियसभा अध्यक्ष गणेशप्रसाद तिमिल्सिनाले मन्त्रिपरिषद्को सिफारिसमा राष्ट्रपति विद्यादेवी[...]

हात्तीको बाटोमा विद्युतीय धराप, डेढ महिनामा दुई हात्ती मरे
हात्तीको बाटोमा विद्युतीय धराप, डेढ महिनामा दुई हात्ती मरे

विराटनगर/डेढ महिनाको अवधिमा कोसीटप्पु वन्यजन्तु आरक्ष क्षेत्रमा दुईवटा जङ्गली हात्ती मरेका छन् । विद्युतीय धरापमा परी सप्तरीमा दुईवटा हात्ती मरेका हुन् । शनिबार बिहान खडक नगरपालिका–४ मा विद्युतीय धरापमा अन्दाजी[...]