Sorry, your browser does not support JavaScript! ‘मुनामदन’ विराटचोकमा मञ्चन गरिने – Merodesh.news

‘मुनामदन’ विराटचोकमा मञ्चन गरिने

विराटनगर । विराटनगर र काठमाडौंमा मञ्चन गरिएको महाकवि लक्ष्मीप्रसाद देवकोटाको सबैभन्दा लोकप्रिय कृति ‘मुनामदन’ खण्डकाव्यमा आधारित नाटक मोरङको विराटचोकमा मञ्चन हुने भएको छ । विराटचोकमा कात्तिक १७, १८ र १९ गते गरी तीन दिन मञ्चन गर्न लागिएको हो ।

विराटनगर र काठमाडौंको सफलतापछि ‘मुनामदन’ नाटक अब विराटचौकमा मञ्चन गर्न लागिएको आयोजक विराट आदर्श साहित्य मञ्चका अध्यक्ष कट्वाल दीपकले बताए । मुनामदनका नाट्य रुपान्तरण पनि दीपकले नै गरेका छन् ।

विराटनगरस्थित आरोहरण गुरुकुलको सुशीला कोइराला नाटकघरमा गत फागुन ११ गतेदेखि २१ गतेसम्म र काठमाडौंको शिल्पी थिएटरमा दर्शकहरूबाट अत्यधिक रुचाइएको नाटक ‘मुनामदन’ टोलीले सुन्दरहरैंचाको विराटचौकमा मञ्चन गर्न लागेको हो ।

विराटचोकमा कात्तिक १७, १८ र १९ गते गरी तीन दिन मञ्चन गर्न लागिएको दीपकले बताए । नाटक हरेक दिन बेलुका ६ बजेदेखि सुरू हुनेछ । नाटकको निर्देशन सविन कट्टेलले गरेका छन् । सविन शिल्पी थिएटरका कलाकार हुन् । नाटकमा निर्देशक सविनले मुख्य कलाकार मदनको भूमिका निभाउने छन् । त्यस्तै सरु कटवाल, जीना राई, लकेश राई, एन्जन पौडेल, सुशीला निरौला, मन्जु गिरी, विजया नेपाललगायतको अभिनय रहनेछ ।

नाटकमा सुन्दरहरैंचा नगरपालिका, सुन्दरहरैंचा जेसीज, उद्योग वाणिज्य संघ सुन्दरहैंचा र रेडियो कार्यक्रम ‘नझरेका फूलहरू’ले सहयोगी संस्थाको भूमिका निभाउने छन् । यस्तै नाटकका व्यवस्थापकमा सन्देश बाराकोटी र कार्यक्रम संयोजकमा शरद ढकाल रहेका छन् । संयोजक ढकालले सुन्दरहरैंचामा पहिलोपटक यति ठूलो नाटक मञ्चन गर्न लागेको बताए ।

विराट आदर्श साहित्य मञ्चको आयोजना तथा शिल्पी थिएटरको सहकार्यमा मञ्चन हुन लागेको मुनामदन नाटकले दर्शकको मन जित्नेमा आफू विश्वस्त भएको आयोजक संस्थाका प्रमुख सल्लाहकार मीनकुमार नवोदितले बताए ।

Advertise Expired !

सम्बन्धित समाचारहरु

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु
विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका[...]

क्यापिटल हिलमाथि अराजक भिड र महँगो धुन्धुकारी
क्यापिटल हिलमाथि अराजक भिड र महँगो धुन्धुकारी

हरि अधिकारी गत ६ तारिखका दिन संयुक्त राज्य अमेरिकाको राजधानी वासिङ्टन डिसीको क्यापिटल हिलस्थित सङ्घीय संसद् भवनमा जुन आयतनमा शक्ति प्रदर्शन, तोडफोड र हिंसाचार प्रदर्शन भयो, त्यो यस महान् लोकतान्त्रिक[...]

हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण
हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण

विराटनगर/हृदयघात अर्थात् हर्ट अट्याक कुनै पनि समयमा अचानक हुन सक्छ । तर, हार्ट अट्याक हुनु केही समय वा एक महिना अघिदेखि नै शरीरमा केही लक्षणहरू देखा पर्न थाल्छ । शरीरमा[...]