Sorry, your browser does not support JavaScript! विराटनगरका मेयर भीम पराजुली भन्छन् “कर्मचारीसँग काम गर्ने टीम स्पीड मिलेन”

विराटनगरका मेयर भीम पराजुली भन्छन् “कर्मचारीसँग काम गर्ने टीम स्पीड मिलेन”

विराटनगर, २७ असार।  विराटनगर महानगरपालिकाकाे मेयरको रुपमा भीम पराजुलीले कार्यभार सम्हालेको एक बर्ष पूरा भएको छ ।दुई दशक लामो जनप्रतिनिधि विहिन अवस्थामा चलेको स्थानीय सरकारको नेतृत्व गतबर्ष असार २७ गतेबाट पराजुलीले  सम्हालेका थिए ।  यो एक वर्षको अवधीमा पराजुलीले महानगरको विकासका निम्ती योजनावद्ध रुपमा कामको सुरुवात पनि गरेका छन् ।

मेयर भिम पराजुली

भीम पराजुली, प्रमुख, विराटनगर महानगरपालिका 

दुई दशक कर्मचारीले नै चलाएको स्थानीय सरकारको नेतृत्वमा आएका पराजुली कर्मचारीसँग काम गर्ने टिम स्पीड नमिलेको बताउछन् । नेतृत्व सम्हालेको एक बर्ष पुरा भएको अवसरमा मेरोदेशसँग कुरा गर्दै मेयर पराजुलीले स्पीड नमिलेका कारण काम गर्न कठिन भएको बताएका हुन् । प्रस्तुत छ पराजुलीसँग गरिएको कुराकानीको सम्पादित अंशः

जनप्रतिनिधको रुपमा एक वर्षको कार्यकाल कसरी बित्यो ?

विराटनगर महानगरपालिकाको मेयरको रुपमा सपथग्रहण गर्दा मैले भनेको थिए । सुसासन कायम गर्छु । भष्ट्रचार नियन्त्रण गर्छु । सुसान नै समृद्धिको आधार हो । पारदर्शिता अपनाएको छु । भष्ट्रचार मुक्त बनाउने मेरो सोच हो । आफू पनि भष्ट्रचार गर्दिन अरुलाई गर्न दिन्न । म जानेर गल्ली गर्दिन अञ्जानमा भए करेक्सन गरेर अघि बढ्नेछु ।

महानगरमा निर्वाचित भएपछि अल्पकालिन, मध्यकालिन र दिर्घकालिन योजनाहरु अघि बढाएका छौ । त्यसबेला सूरुवात गरिएको १०० दिने काम  पुरा गरेका छौ । हामीले सडकका खाल्डाखुल्डी पुर्ने । मोतीयाबिन्दुको निशुल्क अप्रेशन, छोरी बचाउ अभियान र सामाजिक सुरक्षा भत्ता घर घरमा बाड्ने काम एकसय दिनभित्र सुरु ग-यौ । धेरै स्थानमा खाल्टा खुल्टी पुर्ने काम पनि १०० दिन भित्र गरेका छौँ ।

त्यस बाहेक विकास निर्माण तर्फ एसियाली बिकास बैंक (एडिबी)को सहयोगमा सञ्चालित दुईवटा परियोजना व्यवस्थीत रुपमा अघि बढाएका छौँ ।  दुई परियोजना मध्ये सघन सहरी बातावरणिय सुधार परियोजना हामी आउनु भन्दा करिब साढे चार बर्ष अगाडी नै सुरु भएको थियो । तर प्लान वेमा काम भएको थिएन् डामाडोल अवस्था थियो । सघन सहरी विकास परियोजनाको काम चित्त बुझ्दो नभएका कारण क्षेत्रिय सहरी विकास परियोजना आउने नअउने दोधारमा थियो ।

तर जनप्रतिनिधिको रुपमा हामी आएपछि क्षेत्रिय सहरी बिकास परियोजनाको सुरु भयो । कोल्याप्स हुन लागेको प्रोजेक्ट आएको हो । सघनको काम खराब भएका कारण एडिबीले अर्काे प्रोजेक्ट दिन मानेको थिएन् । सञ्चालित सघन विकास परियोजना पनि अनप्लानिङ थियो । हामीले प्लान वेमा काम बढाका छौँ ।  जनप्रतिनिधिको पहलमा एडिबिले दोस्रो परियोजनामा लगानी गरेको हो । एडिबी परियोजना सञ्चालित अन्य स्थानहरु मध्ये विराटनगर अहिले अगाडी छ ।

हामी आएपछि बसपार्क निर्माणको कामलाई द्रुत गतिमा लग्यौं । प्रधानमन्त्रीले दुई बर्ष अघि नै  सिलन्यास गरेको तारणिप्रसाद कोइराला सञ्चारग्राम जग्गा विवाद लगायत अन्य कारणले सुरु भएको थिएन । त्यसको निर्माण हामी आएपछि दु्रत गतिमा लगेका छौ । अहिले निर्माणको चरणमा छ । तीन बर्ष अघि नै भारतले निर्माण गरिदिने भनेको गुरुकुलको भवन निर्माणको कुनै सुर सार थिएन । फाइल पनि थिएन तर हामीले फाइल झिकाएर भारतीय राजदुतलाई भेटेर काम सुरु गर्न भनेका थियौँ । जनप्रतिनिधि आएपछि गुरुकुलको निर्माणको कामपनि द्रुत गतिमा अघि बढेको छ ।

विराटनगरलाई प्रदेशको राजधानी बनाउनुपर्छ भनेर महानगरपालिकाले लबिङ ग¥यौ । महानगर सहित अन्य क्षेत्रको पहल सार्थक भयो । विराटनगर अस्थयी राजधानी बन्यो । अब स्थायी राजधानी बनाउन सबै मिलेर लबिङ गर्नुपर्छ ।

विराटनगरलाई स्थायी राजधानी बनाउन विराटनगर १९ मा अन्तराष्ट्रीय सभागृह निर्माणको काम सुरु गरेका छौँ । पाच विगाहा जग्गा अधिग्रहण गरेर २५०० मानिस अटाउने सभागृह निर्माणको काम सुरु भएको हो । विराटनगरको फाउण्टेन इको पार्क पनि निर्माण सकेका छौँ । साइत हेरेर चाडै निर्र्माण गर्छौँ ।

शिक्षा तर्फ

सामुदायिक विद्यालयको स्तर जब सम्म सुधार हुदैन तब सम्म विकास सम्भव छैन भनेर विराटनगरमा रहेका ५४ सामुदायिक विद्यालय मध्ये ३२ वटामा आधारभूत तहमा अंग्रेजी माध्ययमबाट अध्यापन सुरु गरेका छौँ । हामीले पाच वटा विद्यालयलाई नमुना विद्यालय बनाउने योजना बनाएका छौँ । अंग्रेजी सहित प्राविधिक शिक्षालय बनाउन पाचवटा विद्यालय छनोट गरेका छौँ । पोखरीया, आदर्श मिल्स माबी र एक मदर्शा र लक्ष्मीनारयाण बेद विद्याआश्रमलाई ५०÷५० लाख बजेट विनियोजन गरेका छौँ । नमुना विद्यालय बनाउने काम अघि बढेको छ ।

स्वास्थ्य तर्फ कोशी अञ्चल अस्पताल सुधारकालागि काम गरेका छौ । हाम्रो प्राथमिकतामा शिक्षा र  स्वास्थ्य छ । शिक्षा र स्वास्थ्यमा सुधार नभए सम्म समाजको उन्नती प्रगती गर्न कठिन हुन्छ । हामीले सबैलाई शिक्षा र स्वास्थ्यको ज्ञारेन्टी गरेर अघि बढेका छौँ ।

जनअपेक्षा अनुसार काम  भएन भन्ने गुनासो छ नी ?

हामीले सिमित स्रोत र साधानका बाबजुत अधिकतम काम गरेका छौँ । अन्तराष्ट्रीय सभागृह देखि नयाँ १५ वटा योजना ल्याएका छौँ । विकासको कामलाई अघि बढाउन विज्ञहरुको टोलीलाई पनि विराटनगरमा ल्याएर काम गरेका छौँ ।निर्वाचित भएलगतै बाढी आयो । चाडपार्व पनि लगतै आयो । संविधानको कार्यन्यनकालागि प्रदेश तथा प्रतिनिधिसभाको निर्वाचन पनि भयो । थोरै समयमा पनि हामीले जनअपेक्षा अनुसार धेरै काम गरेका छौँ ।  गर्दैछौँ पनि ।

यो एक बर्षको अवधीमा विभिन्न ऐन कानुन निर्माण गरेका छौँ । समस्याका बाबजुत उल्लेख्य काम गरेका छौँ । हामीले विभिन्न दात्री निकायहरुसगको सहकार्यमा सबैको ध्यान विराटनगरमा तान्न सकेका छौ । भारत, चीन, जर्मन, स्वीसका राजदुत विराटनगर आएका थिए । दात्री निकायका प्रमुखहरुलाई पनि विराटनगरमा ल्यान सहयोग गरेका छौँ । सबैको ध्यान विराटनगरका केन्द्रित गरेका छौँ ।

व्यस्त बजारका काम सुस्त छ किन ?

हामीले कोर एरियाका काम गरेका छैनौँ । व्यस्त बजारमा काम नगरेपनि आसपासका साइडमा  काम दु्रत गतिमा भएका छन् । हिजो कर्मचारीको नेतृत्व हुदा विराटनगर भत्काउने काम भयो । निर्माणको काम हामी गरिरहेका छौँ  ।

हिजो जताततै संरचना भत्कीएको अवस्थामा थियो । पहिले भत्कीएको ठाउमा बनाउने गरी हामीले कोर एरिया बाहिरका क्षेत्रमा काम गरेका छौँ । बाहिर क्षेत्रको काम सकेपछि ब्यस्त बजार क्षेत्रमा अब बनाउछाँै । हाम्रो सोच पाच बर्ष भित्र ४०० किलोमिटर कालोपत्रे गर्ने टार्गेट छ ।

२०६९ सालमा सुरु भएको  ६ लेन सडक परियोजनाको काम विराटनगर बजार क्षेत्रमाा सुस्त थियो । जनप्रतिनिधि आएको एक बर्षमा हामीले   काम दु्रत गतिमा अघि  बढाउन लगाएका छौँ । २०६९ सालदेखि अडेको कामलाई द्रुत गतिमा लैजान पाच जनालाई  थुनेका पनि छौँ । हामी विराटनगरका बाहिरी सडक निर्माण सकेपछि मात्र मुख्य बजारमा हात हाल्नेछौँ ।

विगतलाई फर्केर हेर्दा नयाँ जिम्मेवारी र नयाँ परिवेशका काम गर्दा कस्तो अनुभुति भयो ?  

हिजो नेपाली कांग्रेसको तर्फबाट तत्कालिन विराटनगर उपमहानगरपालिकाको बोर्डमा बसेर काम गरेको थिए । बोर्डमा बसेर काम गरेका कारण मेयरको जिम्मेवारी मलाई नौलो त थिएन तर हिजो भन्ने(प्रश्नगर्ने) ठाँउमा थिए आज काम गर्ने ठाँउमा छु ।

स्वभाविक रुपमा कर्मचारी समायोजन नगरेको र विषयगत कार्यलयहरु हस्तान्त्रण नहुँदा  पनि गाह्रो भयो । गाह्रो भएपनि सहजीकरण गरी हामीले आउट पुट लिएका छौँ । अझै पनि धेरै गाह्रो छ हामीलाई । पर्याप्त जनशक्ती छैन् । विषयगत कार्यलय नहुदा समस्या छ । असार मसान्त पछि काम गर्न सहज हुन्छ भन्ने आशा छ ।

जनशक्ती नहुदा पनि काम गर्न समस्या भयो । छ वटा उपसचिव हुनुपर्ने । तर कर्मचारी स्टक्चर अनुसार सरकारले पठाएको छैन । सरकारसँग आग्रह गरेका छौँ । दक्ष माग गरेका छौँ  तर अझै आएका छैनन् ।

तपाइको काम गर्ने स्पीड नमिलेको हो ?

मेरो अपेक्षा अनुसार कर्मचारीहरुको काम गर्ने स्पीड नमिलेकै हो । स्पीड नमिल्दा कामलाई गती सोचे अनुसार गती दिन सकिएन । कर्मचारी अभाव हुदा पनि समस्या पनि भयो । जुन गतिमा काम गर्न खोजियो  तर त्यो गतिमा काम गर्न हिजोका दिनमा स्पीड नमिलेकै हो ।

भोलीका दिनमा अघि बढ्ने योजना ?

हामीले सरकारसंग कर्मचारी मागेका छौ । सरकारले कर्मचारी समायोजन गर्न पनि नदिने नँया नियुक्ती गर्न पनि नदिने गरेको छ । संविधान प्रद्धत स्थानीय सरकारको स्वरुप हासिल गर्न सकेको छैन् । संघिय सरकारले कर्मचारी नपठाउँदा काम गर्न कठिन भएको छ तर  पनि भोलीका दिनमा सबै समस्या सामधान हुन्छ भन्ने अपेक्षा छ ।

विराटनगरको विकासकालागि हामिले प्लान वेमा काम गरिरहेका छौ । अन्तराष्ट्रीय स्तरको सभागृह निर्माण गर्ने प्रकृया अघि बढेको छ । विराटनगरको मध्य भागमा रहेको ए र बि प्लटलाई अन्डर ग्राउण्ड पार्कीङ सहित फाउन्टेन र इको पार्क बनाउने छौ । इ प्लटलाई विजनेश कम्प्लेक्स बनाउने योजना छ ।

विरेन्द्र सभागृहलाई मर्मत गरी हेर्न लायक बनाएका छौ । तर एयरकण्डीसन सहितको बनाउने  हाम्रो कार्ययोजना छ । पूर्वाधारमा सहरी सघन विकास परियोजनाको  काम एक बर्षमा ९० प्रतिशत सकिएको छ । विकास निर्माणको कामलाई दु्रतगतिमा लैजान्छौ । हाम्रो सोच पाच बर्ष भित्र ४०० किलोमिटर कालोपत्रे गर्ने तार्गेट छ । दुई बर्ष भित्र धुलो र हिलोमुक्त विराटनगर हुनेछ ।

Advertise Expired !

सम्बन्धित समाचारहरु

कोरोना भाइरस तत्काल नियन्त्रणमा आउँदैन्, हिजोको जस्ताे दैनिकी परिवर्तन गुर्नपर्छ : डाक्टर रोशन पोखरेल
कोरोना भाइरस तत्काल नियन्त्रणमा आउँदैन्, हिजोको जस्ताे दैनिकी परिवर्तन गुर्नपर्छ : डाक्टर रोशन पोखरेल

नेपालमा ५९ जनालाई कोरोना संक्रमण देखिएको छ । सम्भावित महामारी नियन्त्रणका लागि सरकारले निरन्तर प्रयास गरिरहेको छ । कोरोना परीक्षका लागि दायरा बढाइएको छ । विश्वभर फैलिएको कोरोनाको सम्भावित जोखिम[...]

प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री
प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री

लकडाउनका कारण बन्द भएको रेलसेवा भारतले मंगलबारदेखि सुचारु गर्‍यो । भारतले रेलसेवा सुरु गरेपछि विभिन्न स्थानमा रोकिएका नेपालीहरू फर्कनेछन् । पहिलो चरणमा दिल्लीबाट प्रदेशका सदरमुकामसम्म रेलसेवा सुरु गरेको भारतमा अनलाइन[...]

कोरोना संक्रमित गर्भवतीकाे सर्जरी गर्न पनि तयार छु : डा. जीवन धमला
कोरोना संक्रमित गर्भवतीकाे सर्जरी गर्न पनि तयार छु : डा. जीवन धमला

लकडाउनमा धेरै निजी अस्पतालहरूले कोरोना संक्रमण हुने डरले समान्य बिरामीहरूसमेत भर्ना लिन चाहिरहेका छैनन् । सुत्केरीहरूलाई त झन् उनीहरूले सरकारी अस्पतालमै रेफर गरिदिने गरेका छन् । केहीले भर्ना गरेर अपरेशन[...]