Sorry, your browser does not support JavaScript! संघर्षले बढायो समाजमा प्रमिलाको मानसम्मान - Merodesh.news

संघर्षले बढायो समाजमा प्रमिलाको मानसम्मान

विराटचौक(मोरंग), २६ असार। दुई बर्ष अघि आइरनले डामेर अमानवीय यातना पाएकी दलित महिलालाई अदालतले न्याय दिएपछि समाजमा उनको आत्म सम्मान बढेको छ ।

समाजमा

२५ जेठ २०७३ मा छिमेकी तीन जना महिलाहरुबाट तातो आइरनले डामेर अमानवीय यातना पाएकी मोरंग सुन्दरहरैचा नगरपालिका ६ (गछिया)की दलित महिला ३५बर्षिया प्रमिला लकान्द्री (बिश्वकर्मा)लाई अदालतले न्याय दिएपछि उनको समाजमा आत्म सम्मान बढेको हो ।

आफुमाथि भएको अन्याय बिरुद्ध कडा संघर्ष गर्दै अदालतमा न्याय माग्न पुगेकी प्रमिलालाई १८ चैत २०७४ मा मोरंग जिल्ला अदालतले न्याय दिएको थियो । अदालतबाट न्याय पाएपछि उनी गाउँ समाजमा संघर्षशिल नारीका रुपमा चर्चित मात्र भएकी छैनन, संघर्ष गर्दा न्याय पाउन सकिने रहेछ भन्ने उनि उदाहरण पनि बनेकी छन ।

पहिले नाम समेत थाहा नपाएकाहरुले पनि आजकल प्रमिलालाई उदाहरणीय महिलाका रुपमा गाउँ समाजमा प्रस्तुत गर्ने गरेको दलित समन्वय समिति सुन्दरहरैचाका अध्यक्ष कुमार मिजारले बताए । बिभिन्न संघ सस्थाहरुले प्रमिलालाई अधिकारकालागि साहसी महिला भनेर समाजिक सम्मान पनि गरिसकेका छन ।

सुन्दरहरैचा नगरपालिका ६ नम्बर वडाकी दलित महिला सदस्य समेत रहेकी प्रमिला जुझारु समाजसेवी महिलाका रुपमा पनि चिनिन्छन । अन्याय सहनु हुदैन जस्तो सुकै बाधा आएपनि सधै न्यायकालागि संघर्ष गर्नुपर्छ भन्ने अदालतको न्यायपछि आफुलाई प्रस्ट भएको प्रमिला बताउँछिन । जधन्य अपराधका बिरुद्ध संघर्ष गर्दा प्रमिलालाई सफल हुन नदिन बिरोधीहरुले अनेक षडयन्त्र गरेका थिए । तर प्रमिलालो जति दवाव आएपनि र प्रलोभन देखाएपनि आफुमाथि भएको अन्यायसँग मिलापत्र गर्न रुचाइनन ।

मोरंग जिल्ला अदालतमा दायर गरेको जातिय बिभेद तथा छुवाछुत कसुर र ज्यानमार्ने उधोग आरोपको दुवै मुद्दामा मोरंग अदालतले प्रमिलाको पक्षमा फैसाल सुनाएको थियो ।

जिल्ला अदालत मोरंगका न्यायधिश महेन्द्रप्रसाद पोखरेलको ईजलासले १८ चैतमा जातिय छुवाछुत मुद्दामा प्रतिबादीहरु सुन्दरहरैचा नपा ६ का ३२ बर्षिया मन्दिरा गुरुंग ३५ बर्षिया रन्जना गुरुंग र ३४ बर्षिया माया राईलाई जनही २५ हजार रुपैया जरीवना र एक महिना कैद अनि ज्यान मार्ने उद्योग मुद्दामा दुई बर्ष कैद र दामासाहीले दुई लाख रुपैया जरीवना फैसला सुनाएको थियो ।

एम्बुलेन्समा अदालत पुगेर रिट दर्ता गरेकी थिइन प्रमिलाले

जातिय बिभेद गर्दे तातो आइरनले डामेर चरम यातना दिएको भन्दै प्रमिलाले न्याय खोज्न जाँदा ईप्रका बेलकारीका तात्कालिन ईन्स्पेक्टर मेघराज थापाले घटना समान्य भन्दै मिलापत्र गराउन दवाव दिदै मुद्दा दर्ता गर्न ईन्कार गरेका थिए।

तर प्रमिलाले इलाका प्रहरी कार्यालय बेलबारीले अमानवीय घटनाको मुद्दा दर्ता गर्न ईन्कार गरेको भन्दै घाइते अबस्थामै एम्बुलेन्स चढेर उपस्थित हुदै उच्च अदालत बिराटनगरमा परमादेश माग गर्दै रिट दर्ता गराएकी थिइन । त्यसछि मात्र ईप्रका बेलबारीले सुटुक्क अदालतमा जातिय छुवाछुत र ज्यान मार्ने उद्योगमा मुद्दा दर्ता गराएको थियो ।

अदालतमा मुद्दा दर्ता भएपछि पनि पटक पटक उर्मिलालाई मुद्दा फिर्ता लिन चर्को दवाव सृजना गरिएको थियो । स्थानिय सुन्दरहरैचा नपाकी ६ नम्बर वडा सदस्य समेत रहेकी प्रमिलाले न्यायकालागि आफनो अडान छाडन चाहिनन । उनले आफुलाई न्याय दिलाउन माग गर्दै राष्ट्रिय मानव अधिकार आयोग र दलित आयोगमा पनि उजुरी दर्ता गराएकी थिइन ।

उता प्रमिलाले आफुहरु माथि आक्रमण गरेको भन्दै प्रतिबादीहरुले पनि अदालतमा कुटपिट मुद्दा दर्ता गराएको थियो । तर प्रमिलाले ज्यान मार्ने उद्योगमा मुद्दा दर्ता गराएकोले अदालतबाट कुटपिट मुद्दा ज्यान मार्ने उद्योगमै परिणत भएको थियो । अदालतले उक्त्त मुद्दा पुर्पक्ष गरिसकेपछि प्रमिलाको पक्षमा फैसला सुनाएको हो । प्रमिलाको पक्षमा अधिबक्त्ता बालकृष्ण आर्चाय र दिपक आर्चायले वकालत गरेका थिए ।

अदालतको फैसलाबाट आफु सन्तुष्ट रहेको र ढिलै भएपनि न्याय पाउन सफल भएको प्रमिालले बताइन । उनले जातिय बिभेद र छुवाछुतका मात्र नभएर कुनै पनि अन्यायका घटनामा अडान लिएर निरन्तर संघर्ष गरे सफलता प्राप्त गर्न सकिने भएकोले घटना मिलापत्र नगराउन आग्रह गरिन ।

यसरी भएको थियो घटना

स्थानिय महिला बचत समुहको अपचलन रोक्न खोज्दा २५ जेठ २०७३ छिमेकीहरु मन्दिरा गुरुंग, रन्जना गुरुंग माया राई, लगायतले अध्यक्ष रहेकी प्रमिलालाई छिमेकी रहिता परियारको घरमा बसिरहेको अबस्थामा बाँस, रडले जातिय गालीगलौज गर्दै मरणसन्न पिटेर तातो आइरनले शरिरमा डामेर गम्भिर घाइते बनाइदिएका थिए । कुटपिटबाट प्रमिलाको मेरुदण्डमा चोट लागेकोले उनले एक महिना अस्पतालमा भर्ना भएर उपचार गराउनु परेको थियो ।

घटनापछि जाहेरी दिएपनि इप्रका बेलबारीले मुद्दा मिलापत्र गराउने दवाव दिँदै जाहेरी लिन इन्कार गदै आक्रमण गर्नेहरुलाई पक्राउ गर्न चाहेन जाहेरी लिन नमानेपछि हुलाक मार्फत पनि प्रमिालले प्रहरीलाई जाहेरी पठाएकी थिइन । तर प्रहरीले घटना समान्य कुटपिटको भन्दै जाहेरी दर्ता गर्न नमानेपछि बाध्य भएर उच्च अदालत विराटनगरमा परमादेश माग गर्दै रिट दर्ता गराएकी थिइन ।

रिट दर्ता गराएपछि चाँही प्रहरीले पिडितलाई समेत थाहा नदिई सुटुक्क जातिय छुवाछुतको मुद्दा जिल्ला अदालत मोरंगमा दर्ता गराएर आरोपीहरुलाई हाजिर गराई तारेखमा रिहा गराएको थियो । उता उर्मिलाले कुटपट आरोपमा आफै मुद्दा दर्ता गराएकी थिइन ।

Advertise Expired !

सम्बन्धित समाचारहरु

प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री
प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री

लकडाउनका कारण बन्द भएको रेलसेवा भारतले मंगलबारदेखि सुचारु गर्‍यो । भारतले रेलसेवा सुरु गरेपछि विभिन्न स्थानमा रोकिएका नेपालीहरू फर्कनेछन् । पहिलो चरणमा दिल्लीबाट प्रदेशका सदरमुकामसम्म रेलसेवा सुरु गरेको भारतमा अनलाइन[...]

लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे
लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे

यज्ञ अधिकारी/मोहन ढकाल विराटनगर, ८ जेठ । लकडाउनको एक महिनामा प्रदेश एकमा १५ करोडको तरकारी नष्ट भइरहँदा भारतबाट चाहिँ सोही समयमा १५ करोडकै हाराहारीमा तरकारी आयात भएको छ । विराटनगर[...]

१ सय २० नेपाली एक महिनादेखि जोगबनी नाकाको क्वारेन्टाइनमा
१ सय २० नेपाली एक महिनादेखि जोगबनी नाकाको क्वारेन्टाइनमा

विराटनगर, ८ जेठ । जोगबनी नाकामा भारततर्फ एक सय २० जना नेपालीहरू क्वारेन्टाइनमा बसिरहेका छन् । भारतको पञ्जाब, दिल्ली, कलकत्ता, पूर्णीयालगायत विभिन्न शहरबाट पैदल हिँडदै र यात्रामा अनेक सास्ती झेल्दै[...]