Sorry, your browser does not support JavaScript! जागिरभन्दा उद्यमशीलतामा जोड दिउँ : अध्यक्ष तिमिल्सिना - Merodesh.news

जागिरभन्दा उद्यमशीलतामा जोड दिउँ : अध्यक्ष तिमिल्सिना

काठमाडौं, ९ असार । राष्ट्रिय सभा अध्यक्ष गणेश तिमिल्सिनाले शिक्षित जनशक्तिले ‘जागिरे’ मानसिकता परिवर्तन गरी उद्यमशील बन्नुपर्ने बताउनुभएको छ ।

सानोठिमीस्थित एसओएस हर्मन माइनर विद्यालयले ३२ औं एसओएस दिवसको अवसरमा आयोजना गरेको कार्यक्रममा बोल्दै अध्यक्ष तिमिल्सिनाले पढेपछि डाक्टर, इन्जिनियर बन्नुपर्ने तथा जागिर खानुपर्छ भन्ने सोचको अन्त्य हुन जरुरी रहेको बताउनुभएको हो ।  ‘अध्ययनपछि जागिर गर्नुपर्छ वा राम्रो विद्यार्थीले डाक्टर वा इन्जिनियर नै बन्नुपर्छ भन्ने नेपाली समाजको मानसिकता परिवर्तन हुन जरुरी छ । जागिर गर्दा कुनै व्यक्तिले आफ्नो परिवार मात्रै पाल्न सक्छ । तर, उद्यमी बन्यो भने अन्य धेरैलाई रोजगारी दिन सक्छ,’ उहाँले भन्नुभयो, ‘देशको समृद्धी र विकासको लागि पनि उद्यमशील जनशक्ति आवश्यक छ । त्यसतर्फ हाम्रो सरकार र शिक्षण संस्थाको ध्यान जानुपर्छ ।’

विद्यालय र अभिभावकले आफ्नो विद्यार्थीलाई उत्कृष्ट नजितालाई मात्रै सफलता नठानी उनीहरुले अध्ययनपछि गरिरहेको कामको सफलता पनि हेर्नुपर्ने अध्यक्ष तिमिल्सिनाले बताउनुभयो । उहाँले हर्मन माइनरको अनाथ तथा साहराबिहीन विद्यार्थीलाई शिक्षा दिने उद्देश्यअनुरुप नेपालमा सञ्चालित स्कूल तथा कार्यक्रमको प्रशंसा गर्नुभयो ।

Advertise Expired !

सम्बन्धित समाचारहरु