Sorry, your browser does not support JavaScript! खगेन्द्र डाँगीपछिका नेपालकै होचा ब्यक्ती : उमेर २० बर्ष, उचाइ ३१ इञ्च ( भिडियो ) - Merodesh.news

खगेन्द्र डाँगीपछिका नेपालकै होचा ब्यक्ती : उमेर २० बर्ष, उचाइ ३१ इञ्च ( भिडियो )

विराटनगर, सामान्यतया २० बर्ष उमेर पुगेका मानिसको उचाई कति हुन्छ । सबैको जवाफ आउछ ५ फिट हाराहारी  तर विराटनगरमा २० बर्षे एक युवाको उचाई भने ३१ इञ्च मात्र भएको पाइएको छ । विराटनगर–१९ का २० बर्षिय प्रकाशकुमार सरदारको उचाई ३१ इञ्च अर्थात दुई फुट ७ इञ्च मात्र छ ।

होचा

झट्ट हेर्दा दुधे बालक जस्तो देखिने प्रकाशकुमार सरदारले नागरिकता पनि पाएका छन् । जिल्ला प्रशासन कार्यालय मोरङले विस २०५४ साल असार २ गतेको जन्म मितीको आधारमा उनलाई नागरिकताको प्रमाण पत्र दिएको हो । नेपाल कै होचा ब्यक्तीको प्रमाण २३ बर्षिय खगेन्द्र थापामगरले पाएका छन् । खगेन्द्रले केही समय विश्वका होचो ब्यक्तीको रुपमा गिनिजबुकमा नाम समेत लेखाएका थिए ।  विस २०६८ साल फागुन १४ गते दाङका २१.५ इञ्चका चन्द्रबहादुर डागीले विश्वका होचो ब्यक्तीको प्रमाण पत्र पाएका थिए ।

७२ बर्षको उमेरमा विश्वका होचा ब्यक्तीको उपमा पाएका चन्द्रबहादुरको निधन भैसकेको छ । चन्द्रबहादुरको निधन पछि २६.४ इञ्चका खगेन्द्र विश्वका दोस्रो होचो ब्यक्तीको रुपमा पहिचान बनाएका छन् । तर खगेन्द्र भन्दा ४.६ इच्च मात्र अग्लो प्रकाशको परिचय भने गुमनाम छ । उनी खगेन्द्रपछिको नेपालका होचा ब्यक्ती हुन् ।

जीऊ सानो भएको उनको टाउके केही ठूलो छ । विश्वका सबैभन्दा होचा ब्यक्तीको रुपमा नाम समेत लेखाएका खगेन्द्र भन्दा ४.६ इच्च अग्ला प्रकाशको पारिवारीक अवस्था दयानिय छ । विपन्न परिवारका उनी आप्mनालागि सामान्य काम समेत गर्न सक्दैनन ।‘सानै देखि यस्तै छ ।’ केही समय अघिको भेटमा प्रकाशकी आमा विमलादेवीले भनिन‘ डाक्टरलाई पनि देखायौ तर केही भएन ।’ सामान्य बोलचाल गर्ने उनी धेरै जसो घरमा नै बस्ने गरेका छन् । ‘धेरै समय घरमा नै बस्छ कहिले काही बाहिर बाटोमा निस्कन्छ ’ प्रकाशकी हजुआमा लालीदेवी सरदार भन्छिन ‘नया मान्छे देखे बोल्न लजाउछ ।’

विराटनगर–१९ को सरदार बस्तीमा रहेका प्रकाशको परिवार दैनिक ज्याला मजदुरी गरेर चल्दै आएको छ । उनका दाई श्यामसुन्दर सरदारले जनमजदुरी गरेर परिवार पाल्दै आएका छन् । प्रकाशको परिवारमा ६ बर्षयता विपत्तीले छाडेको छैन । ६ बर्ष अघि बुबा नकुवा सरदारलाई गुमाएका उनले दुई बर्ष अघि १५ बर्षिय भाई विकासलाई गुमाउनु प¥यो । विपती त्यतीमै रोकिएन ६ महिना अघि भाउजु सुनितादेवीलाई पनि गुमाउनु प¥यो । जन्मदर्ताको आधारमा सामाजिक सुरक्षाभत्ता पाउदै आएका उनले नागरिकता बनाएका छन् । ‘ दुईवटा हातले ल्याप्चे लगाएर नागरिकता पाएका थिए ।

महानगरको सहयोग

होचा व्यक्ती प्रकाशकुमार सरदारलाई विराटनगर महानगरपालिकाले मासिक भत्ता उपलब्ध गराउने भएको छ । महानगरपालिकाको बोर्ड बैठकले सरदारलाई मासिक तीन हजारका दरले सामाजिक सुरक्षा भत्ता उपलब्ध गराउने निर्णय गरेको हो । केही समय अघि प्रकाशलाई घरमै पुगेर भेटेका विराटनगर महानगरपालिकाका मेयर भीम पराजुलीले मासिक रुपमा सामाजिक सुरक्षा भत्ता बापत ३ हजार उपलब्ध गराउने बोर्ड बैठकबाट निर्णय गराएका हुन् ।

 

Advertise Expired !

सम्बन्धित समाचारहरु

प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री
प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री

लकडाउनका कारण बन्द भएको रेलसेवा भारतले मंगलबारदेखि सुचारु गर्‍यो । भारतले रेलसेवा सुरु गरेपछि विभिन्न स्थानमा रोकिएका नेपालीहरू फर्कनेछन् । पहिलो चरणमा दिल्लीबाट प्रदेशका सदरमुकामसम्म रेलसेवा सुरु गरेको भारतमा अनलाइन[...]

लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे
लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे

यज्ञ अधिकारी/मोहन ढकाल विराटनगर, ८ जेठ । लकडाउनको एक महिनामा प्रदेश एकमा १५ करोडको तरकारी नष्ट भइरहँदा भारतबाट चाहिँ सोही समयमा १५ करोडकै हाराहारीमा तरकारी आयात भएको छ । विराटनगर[...]

१ सय २० नेपाली एक महिनादेखि जोगबनी नाकाको क्वारेन्टाइनमा
१ सय २० नेपाली एक महिनादेखि जोगबनी नाकाको क्वारेन्टाइनमा

विराटनगर, ८ जेठ । जोगबनी नाकामा भारततर्फ एक सय २० जना नेपालीहरू क्वारेन्टाइनमा बसिरहेका छन् । भारतको पञ्जाब, दिल्ली, कलकत्ता, पूर्णीयालगायत विभिन्न शहरबाट पैदल हिँडदै र यात्रामा अनेक सास्ती झेल्दै[...]