Sorry, your browser does not support JavaScript! ‘नेपालको संगीत रोयल्टी अवधारणा एशियाकै नमूना’ - Merodesh.news

‘नेपालको संगीत रोयल्टी अवधारणा एशियाकै नमूना’

काठमाडौं, नेपालको संगीत रोयल्टी व्यवस्थापन मोडेल कस्तो होला? नेपाली प्रतिलिपि अभियन्ताहरुलाई त आफूले बनाएको अवधारणा उचित लाग्छ नै । तर, विश्वका दिग्गज प्रतिलिपि अधिकार अभियन्ताहरुले पनि नेपालको संगीत रोयल्टी व्यवस्थापन मोडेलको सराहना गरेका छन ।

प्रतिलिपि अधिकार सम्बन्धी एशिया स्तरीय प्रशिक्षणका लागि काठमाडौं आएका दक्षिण एशिया र युरोपेली मुलुकका प्रतिलिपि अधिकार अभियन्ताहरुले नेपालको संगीत रोयल्टी व्यवस्थापन पद्धति नवीनतम् रहेको बताएका हुन् ।
नेपाली रोयल्टी व्यवस्थापन संस्थाहरुले विकास गरेको संगीत रोयल्टी सम्बन्धी अवधारणाको वक्ताहरुले प्रशंसा गरेका छन्। नर्वेको संगीत रोयल्टी संकलन संस्थानर्कोडले काठमाडौं आयोजना गरेको १० दिने प्रथमएशियास्तरीय प्रतिलिपि अधिकार सम्बन्धी प्रशिक्षण कार्यक्रमको समापन समारोहका वक्ताहरुले नेपालले विकास गरेको संगीतको रोयल्टी व्यवस्थापन सम्बन्धी अवधारणालाई विश्वकै नौलो र अनुकरणीय रहेको बताएका हुन् ।

१० वटा एशियाली मुलुकका प्रतिनिधिहरुको सहभागिता रहेको कार्यक्रममा प्रमुख प्रशिक्षकका रुपमा आएकी फिनल्याण्डकी प्रतिलिपि अधिकार विज्ञ टारिया कोस्किनेन ओल्सनले एशियास्तरीय कार्यक्रमको शुरुवात नेपालबाटै भएकोमा आफू हर्सित भएको उल्लेख गरिन्। उनले संगीत रोयल्टीको व्यवस्थापनमा नेपालले शुरु गरेको संयुक्तलाइसेन्सिङ प्रणाली एशियाली मुलुकहरुकालागि उदाहरण बनेको बताइन्। आयोजक संस्थाकी प्रबन्ध निर्देशक इङ्गर डिरडालले पछिल्ला वर्षहरुमा नेपालले बौद्धिक सम्पत्ति संरक्षणमा देखाएको अग्रसरताले महत्वपूर्ण रहेको बताइन्।

विश्व संगीत उत्पादकहरुको संस्था आएफपिआईका एशिया निर्देशक केटी याङले पनि आफ्नो पछिल्लो भ्रमणको तुलनामा नेपाली प्रतिलिपि अधिकार आन्दोलनले निकै उचाई लिएको धारणा राखेका छन्। याङले आगामी दिनमा पनि नेपाली संगीतको प्रवद्र्धन र संगीतकर्मीहरुको उत्थानकालागि यहाँ संस्थाहरुसँग सहकार्य गर्ने इच्छा व्यक्त गरेका छन् । भारतका प्रतिलिपि अधिकार अभियन्ता रजत कक्करले नेपालले संगीत रोयल्टीका विषयमा हासिल गरेका उपलब्धीहरुलाई दक्षिण एशियाली मुलुकहरुले अनुशरण गर्नुपर्ने बताएका छन् । ‘नेपाल र भारतबीच थुप्रै सांस्कृतिक समानताहरु रहेका छन् ।’ उनले भने, ‘नेपाली संगीतकर्मीहरुको आर्थिक समुन्नतिका लागी मिलेर कामगर्न हामी तत्पर छौं ।’

विश्वभरिका लेखकहरुको रोयल्टी संकलनगर्ने संस्था इफ्फ्रोका प्रतिनिधि पियर ओलिभरले चाँडै नै नेपालमा लेखक, पत्रकार तथा फोटोग्राफरहरुको पनि रोयल्टी संकलन संस्था स्थापना हुने संकेत गरे । उनले त्यसो गर्नसके देशको सांस्कृतिक उत्थान तथा सरोकारवालाहरुको पनि आर्थिक समुन्नतिको ग्यारेन्टी हुने विश्वास व्यक्त गरेका छन । प्रस्तोता समाज नेपालका सिइओ नारायण कडरियाले सरकारी निकायतथा सरोकारवाला विभिन्न पक्षहरुबाट सकारात्मक सहयोग रहेकाले रोयल्टी व्यवस्थापनका क्षेत्रमा उल्लेख्य प्रगति भएको भएपनि आगामी दिनहरु उत्तिकै चुनौतिपूर्ण रहेको बताएका छन्।

नेपालका ख्याती प्राप्त कलाकारहरुको प्रस्तुति तथा सांस्कृतिक झाँकीको प्रदर्शनगर्दै प्रशिक्षण कार्यक्रम समापन गरिएको छ । नेपालसँगै भारत, पाकिस्तान, चीन, भियतनाम, इण्डोनेशिया, म्यानमार, फिलिपिन्स, थाइल्याण्ड लगायतका देशबाट २० जना प्रतिनिधिहरु कार्यक्रम सहभागी भएका थिए ।

Advertise Expired !

सम्बन्धित समाचारहरु

यस्तो बन्यो विपिनको ‘सेल्फी किङ’को ट्रेलर (भिडियोसहित)
यस्तो बन्यो विपिनको ‘सेल्फी किङ’को ट्रेलर (भिडियोसहित)

विराटनगर, २३ पुस । भर्सटाइल अभिनेता विपिन कार्कीको मुख्य भूमिकामा रहेको फिल्म ‘सेल्फी किङ’को ट्रेलर सार्वजनिक भएको छ । मंगलबार ओएसआरको युट्युब च्यानल मार्फत सार्वजनिक गरिएको ट्रेलरमा दुनियाँलाई हसाउँने एक[...]

एसिड आक्रमणको कथामा ‘छपाक’को ट्रेलर सार्वजनिक (भिडियोसहित)
एसिड आक्रमणको कथामा ‘छपाक’को ट्रेलर सार्वजनिक (भिडियोसहित)

विराटनगर, २४ मंसिर । एसिड आक्रमणबाट बाँचेकी एक युवतीको कथामा आधारित रहेको फिल्म ‘छपाक’ को ट्रेलर सार्वजनिक भएको छ । एसिड आक्रमणबाट बाँचेकी लक्ष्मी अग्रवालको जीवनमा आधारित रहेर निर्माण गरिएको[...]

कपिल शर्मा बने छोरीका बुबा
कपिल शर्मा बने छोरीका बुबा

विराटनगर, २४ मंसिर । ‘दि कपिल शर्मा शो’ मार्फत दर्शकमाझ लोकप्रिय तथा भारतका चर्चित कमेडियन कपिल शर्मा बुबा बनेका छन् । उनकी पत्नी गिन्नी चरतथले छोरीलाई जन्म दिएकी हुन् ।[...]