Sorry, your browser does not support JavaScript! नेपाल मुस्लिम संघको आन्दोलनलाई मोरङ मुस्लिम समाजको समर्थन – Merodesh.news

नेपाल मुस्लिम संघको आन्दोलनलाई मोरङ मुस्लिम समाजको समर्थन

मेरोदेश संबाददाता, विराटनगर,

नेपाल मुस्लिम संघको आन्दोलनमा ऐक्यबद्धता जनाउदै मोरङ मुस्लिम समाजले समेत पहिलो चरणको आन्दोलनको घोषणा गरेको छ । नेपाल पत्रकार महासंघ मोरङको सभाहलमा बुधबार बिहान पत्रकार सम्मेलनको आयोजनागर्दै समाजले नेपाल मुस्लिम संघको जेष्ठ ७ गतेबाट जारी आन्दोलनलाई समर्थनगर्दै पहिलो चरणको आन्दोलनको घोषणा गरेको हो ।

मुस्लिम समुदायका चाडपर्वमा यसअघि दिईने गरेको सार्वजनिक बिदा कटौती गरिएको,मुस्लिम समुदायकालागि क्लस्टर छु्ट्टयाएर बिज्ञापन नगरिएको,मदर्सा दर्ता रोक्का गरिएको र संबैधानिक मुस्लिम आयोगलाई कृयाशिल नगरिएको लागयतका माग राखी नेपाल मुस्लिम संघले आन्दोलन गर्दै आएको छ । संघको सोहि आन्दोलनलाई समर्थन गर्दै मोरङ मुस्लिम समाजले ७ बुंदे माग सहित आन्दोलनको कार्यक्रम घोषणा गरेको छ । पत्रकार सम्मेलनमा सो बिषयमा जानकारी दिनुहुंदै आयोजक संस्थाका अध्यक्ष मण्डलका सदस्य शाहाब अहमद गुड्डुले धार्मिक अल्पसंख्यककोरुपमा रहेको मुस्लिम समुदायका महत्वपुर्ण पर्वहरुमा विदा कटौती गरेर वर्तमान सरकारले गणतन्त्र र धर्मनिरपेक्षताको धज्जी उडाएको बताउनुभयो । उहांले यतिखेर रमजान चलिरहंदा पर्व मनाउदै घरमा बस्नुपर्ने मुस्लिम समुदाय आफ्नो अस्तित्व रक्षागर्न आन्दोलनमा होमिनुपरेको बताउनुभयो ।

राष्ट्रिय मुस्लिम गठबन्धनका जिल्ला संयोजक सलिम अंसारी,मुस्लिम मुक्ति मोर्चाका केन्द्रीय सदस्य मन्सुर आलम,राप्रपाका नेता मोहम्मद मुस्लिम मियां,आयोजक संस्थाका अध्यक्ष मण्डलका सदस्यत्रय ताजिम अहमद,सालिम खान र फिरोज खान लगायतका वक्ताले बिदा कटौती गर्नुका साथै अन्य हक अधिकार समेत वर्तमान सरकारले दिन नमानेका कारण समुदायले धर्मनिरपेक्षता र गणतन्त्रको अनुभुति गर्न नपाएको बताएका थिए । पहिलो चरणको आन्दोलनमा प्लेकार्ड सहित प्रर्दशन,बिरोध सभा, चक्काजाम र प्रधानमन्त्री तथा मुख्यमन्त्रीलाई ज्ञापन बुझाउने कार्यक्रम घोषणा गरिएको छ ।

Advertise Expired !

सम्बन्धित समाचारहरु

विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु
विराटनगरमा ट्र्याक्टरको ठक्करबाट स्कुल जाँदै गरेकी बालिकाको मृत्यु

विराटनगर । विराटनगरमा स्कुल जाँदै गरेकी एक बालिकाको ट्र्याक्टरको ठक्करबाट मृत्यु भएको छ । आइतबार भित्री सडकमा पूर्वबाट पश्चिमतर्फ गइरहेको को १ ७०३९ नम्बरको ट्र्याक्टरले ठक्कर दिँदा ६ वर्षीया बालिका[...]

क्यापिटल हिलमाथि अराजक भिड र महँगो धुन्धुकारी
क्यापिटल हिलमाथि अराजक भिड र महँगो धुन्धुकारी

हरि अधिकारी गत ६ तारिखका दिन संयुक्त राज्य अमेरिकाको राजधानी वासिङ्टन डिसीको क्यापिटल हिलस्थित सङ्घीय संसद् भवनमा जुन आयतनमा शक्ति प्रदर्शन, तोडफोड र हिंसाचार प्रदर्शन भयो, त्यो यस महान् लोकतान्त्रिक[...]

हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण
हार्ट अट्याक हुनु एक महिना अघिदेखि शरीरमा देखा पर्नसक्ने केही लक्षण

विराटनगर/हृदयघात अर्थात् हर्ट अट्याक कुनै पनि समयमा अचानक हुन सक्छ । तर, हार्ट अट्याक हुनु केही समय वा एक महिना अघिदेखि नै शरीरमा केही लक्षणहरू देखा पर्न थाल्छ । शरीरमा[...]