Sorry, your browser does not support JavaScript! कानेपोखरीका डम्बर ओझाको दुःखदायी कथा – थाप्लोमा ऋण, दुवै मृगौला फेल (भिडियो सहित) - Merodesh.news

कानेपोखरीका डम्बर ओझाको दुःखदायी कथा – थाप्लोमा ऋण, दुवै मृगौला फेल (भिडियो सहित)

मेरोदेश संबाददाता,विराटनगर,

मोरङको कानेपोखरी ५ जहदाका डम्बर ओझाको दुःख कम छैन । उनको थाप्लोमा १० लाखभन्दा माथि ऋण छ । ऋण तिर्ने इच्छा भएपनि उनी काम गर्न सक्दैनन् । उनको दुवै मृगौला काम नलाग्ने भएको छ ।

मृगौला प्रत्यारोपण गराउने क्षमता छैन, ओझासँग । १ छोरी र १ छोराको बाबु उनी आफ्ना बालबालिकाको भविश्य बनाउन पनि सक्दैनन् । श्रीमतीको इच्छा पूरा गर्न पनि सक्दैनन् । ‘उपचार भए सबैको इच्छा पुरा गर्दिने थिएँ’, उनी भन्छन्, ‘दैवको खेल मान्नै पर्दोरहेछ ।’
ओझाले नियमित डायलसिस गर्न थालेको पनि १ वर्ष भइसक्यो । आइतबार मात्रै गरेको डाइलसिस ५६ औं पटक हो । विराटनगर स्थित नोबेल अस्पतालमा नियमित स्वास्थ्य उपचार सेवा लिइरहेका ओझालाई उनकी आमा धनमाया ओझाले किड्नी दिने भनेकी छिन् । ‘ममीले किड्नी दिन्छु भन्नुभएको थियो, तर, अहिले मलाई कस्ले पाल्छ म किड्नी दिन्न भन्नुहुन्छ,’ ओझाले भने, ‘कसैले किड्नी दिएको खण्डमा ६ लाख रुपैयाँ र दबाइपानी गर्दा ३÷४ लाख थप खर्च हुने डाक्टरको भनाइ छ ।’ अरुको किड्नी किनेर प्रत्यारोपण गराउनका लागि अरुबाटै किन्नुपर्ने अवस्था आए १५ लाखभन्दा माथि खर्च लाग्छ, स्वदेशमा पाइँदैन किड्नी, विदेश जानुपर्छ । जग्गा बेचेर उपचार गराउँ भन्दा पनि धितो र ऋण छ । आफ्नो नाममा जग्गा छैन ।

ओझाका निरन्तर दुःखका दिन

२०३५ सालमा जन्मिएका ओझाले १० कक्षासम्म अध्ययन गरे । २२ वर्षको उमेरमा उनी विदेश (साउदी) बसे । ८ वर्ष साउदीमा बसेका उनले झण्डै १० लाख कमाइ गरे । २÷४ कठ्ठा खेतीको जग्गा किने र घर बनाए । उनले कानेपोखरीमा साइकल दोकान खोले । तर, ०७२ साल जेठमा आफ्नै बुबाले घरमा आफैले आगो लगाएर आत्महत्या गरे । त्यसपछि उनको ओरालो गति सुरु भयो ।घर बनाउनु प¥यो । जेठो छोरो घरको सबै व्यवहार धान्नुप¥यो । ऋण लगाएर मृत्युवरण गरेका बुबाको ऋण तिर्नुप¥यो । घरमा आगलागी हुँदा २५ लाख बराबरको क्षति भयो । त्यसपछि उनले भएको साइकल दोकान बेचें । त्यसपछि उनले दूध किनबेचको व्यापार सुरु गरे । तर ५÷६ महिनामै उनलाई दूधको व्यापारले डुबायो ।
त्यसपछि फेरि विदेश जान खोजें विदेश जान पनि सकेनन् । अहिले १० लाखभन्दा बढी ऋणमा छन्, उनी । गत वैशाखदेखि किड्नीमा समस्या देखियो । त्यसपछि उनको लगातार खर्च लागिरहेको छ । केही मानिसहरुले सहयोग गरेका पनि छन् । तर, पर्याप्त छैन । एक पटक डायलसिस गर्दा ३ हजारसम्म खर्च लाग्छ । १ वर्षको बीचमा उनले ५ लाखजति खर्च गरिसके ।

मृगौला नै प्रत्यारोपण गर्नुपर्ने डाक्टरको भनाइले उनी विक्षिप्त बनेका छन् । उनलाई सहयोग गर्न चाहनेले मोवाइल नम्बर ९८४२१७६४७१ मा सम्पर्क गरी थप कुरा बुझ्न र बैंक खाता ००८०५०२०२५१९९० नेपाल इन्भेष्टमेन्ट बैकमा सहयोग गर्न सकिनेछ ।

भिडियो:-

Advertise Expired !

सम्बन्धित समाचारहरु

प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री
प्रदेशमा भारतबाट २० हजार नेपाली आउँदैछन्, सीमामा रोक्दैनौं, होल्डिङ एरियामा राख्छौं – हिक्मत कार्की, मन्त्री

लकडाउनका कारण बन्द भएको रेलसेवा भारतले मंगलबारदेखि सुचारु गर्‍यो । भारतले रेलसेवा सुरु गरेपछि विभिन्न स्थानमा रोकिएका नेपालीहरू फर्कनेछन् । पहिलो चरणमा दिल्लीबाट प्रदेशका सदरमुकामसम्म रेलसेवा सुरु गरेको भारतमा अनलाइन[...]

लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे
लकडाउनको एक महिना : भारतबाट १५ करोडकाे तरकारी आयात, प्रदेश १ मा १५ करोडकै तरकारी कुहियाे

यज्ञ अधिकारी/मोहन ढकाल विराटनगर, ८ जेठ । लकडाउनको एक महिनामा प्रदेश एकमा १५ करोडको तरकारी नष्ट भइरहँदा भारतबाट चाहिँ सोही समयमा १५ करोडकै हाराहारीमा तरकारी आयात भएको छ । विराटनगर[...]

१ सय २० नेपाली एक महिनादेखि जोगबनी नाकाको क्वारेन्टाइनमा
१ सय २० नेपाली एक महिनादेखि जोगबनी नाकाको क्वारेन्टाइनमा

विराटनगर, ८ जेठ । जोगबनी नाकामा भारततर्फ एक सय २० जना नेपालीहरू क्वारेन्टाइनमा बसिरहेका छन् । भारतको पञ्जाब, दिल्ली, कलकत्ता, पूर्णीयालगायत विभिन्न शहरबाट पैदल हिँडदै र यात्रामा अनेक सास्ती झेल्दै[...]